Gin-abi-abi ni Pope Francis ang apat ka adlaw nga ceasefire sa tunga sang Israel kag Hamas militants kag ang paghilway sa pila sa mga bihag.
“Today we thank God because there is finally a truce between Israel and Palestine and some hostages have been freed,” suno sa mensahe sang Santo Papa nga ginbasa lamang sang isa ka Vatican official kadungan sang weekly Angelus prayer.
Dugang pa sang Pope: “We pray that they all may be (freed) as rapidly as possible and that more humanitarian aid arrives in Gaza and that they insist on dialogue.”
Ginsulit man sini nga ang dayalogo lamang ang isahanon nga banas para nga maangkon ang kalinong sa Middle East.
Nahibaluan nga ginpaiway ni Pope Francis ang pagkadto sa St. Peter’s Square para sa pagpangamuyo bangud suno sa iya, nagasuprer siya sa lung inflammation.
Nagtinir lamang ini sa Casa Santa Marta samtang si Father Paolo Braida naman ang nagbasa sang iya mensahe lakip na ang apelar sa kalinong sa Ukraine, pagpasalamat sa ceasefire sa Gaza, kag kumpirmasyon sa intensyon sini nga magbyahe sa Dubai sa Disyembre 1 agud magtambong sa United Nations (UN) climate change conference. #
