ILOILO CITY- Liwat nga nagpahanumdom ang Commission on Elections sa tanan nga mga kandidato sa Barangay and Sangguniang Kabataan Elections nga mag-file sang Statement of Contributions and Expenditures antes ang November 29 nga deadline.
Sa interview sang Bombo Radyo kay Atty. Dennis Ausan, regional director sang Commission on Elections Region 6, iya ginpahayag nga ang tanan nga Statement of Contributions and Expenditures ang kinahanglan nga i-file sang personal sang kandidato sa local Comelec office kun sa diin sila nag- file sang Certificates of Candidacy (COCs), napierde man ukon nagdaug.
Suno kay Ausan, ang Statement of Contributions and Expenditures ang dapat nga i- file humalin Lunes tubtob Biernes, umpisa alas-otso sa aga tubtob alas-singko sa hapon.
Nahibaluan nga sa idalom sang Republic Act No. 7166, ang kada candidate ang dapat mag-file sang Statement of Contributions and Expenditures sa sulod sang 30 ka adlaw matapos ang election.
