ILOILO CITY- Ibayad na lang sang anay head sang Human Resource Management Office nga si Mr. Leo Elevencione sa iya utang sa kooperatiba ang iya batunon nga terminal leave benefits.
Si Elevencione ang naangot sa kontrobersiya sa pagkaputo sang Iloilo City Government Employees Multipurpose Cooperative.
Siya nga anay chairman sang Board of Director sang kooperatiba kun sa diin may masobra ini P9 million nga utang, ang nagretiro na subong nga tuig.
Sa interview sang Bombo Radyo kay Councilor Rex Sarabia, chairman sang Committee on Good Government, iya ginpahayag nga mismo si Elevencione ang nagdesisyon nga idiretso sa kooperatiba ang iya masobra P4.8 million nga terminal leave benefits.
Si Elevencione ang isa sa mga katapo sang Board kag opisyal sang kooperatiba nga ginatudlo nagpatarasak sa pag- utang sang pondo sang kooperatiba kag wala regular nga nagabayad sang ila balayran rason nga naubos ang kwarta kag wala na nakautang ang iban nga myembro sang kooperatiba.
