Gin-ako sang Hamas militants nga sila ang responsable sa likod sang pagpang-atake sa estasyon sang bus sa Jerusalem nga ginkamatay sang tatlo ka mga Israelis kag pito ang nasamaran.
Suno sa militante nga grupo, ang duha nga nag-atake ang miyembro sang ila military wing nga Al-Qassam Brigades.
Sang ulihi, sila ang ginpatay man sang duha ka soldado kag isa ka sibilyan.
Photo courtesy: Ronen Zvulun/Reuters via CNN
Ini nga shooting sa Jerusalem ang natabo apisar sang ceasefire sa tunga sang Israel kag Hamas nga ginkasugtan nga palawigon pa gid sang isa ka adlaw.
Gin-selebrar man sang Hamas ang amo nga pagpang-atake kag ginsiling nga ila ini nga direkta nga balos sa mga krimen nga ginahimo sa Gaza Strip kag ang mga kalakasan batok sa mga preso nga Palestinian.
Kasunod sini, nagpaandam naman si Israeli Prime Minister Benjamin Netanyahu nga tuod-tuuron ang iya promisa nga papason ang amo nga Palestinian militant group. #
