ILOILO CITY- Padayon pa nga gina-account, ang numero sang patay matapos nahulog sa pil-as ang isa ka depampasahero nga bus sa Brgy. Igbucagay, Hamtic, Antique.
Santo sa data sang Vallacar Transit, 12 ang napatay kag masobra naman 16 ang data sang Antique Provincial Government.
Sa interview sang Bombo Radyo kay Governor Rhodora Cadiao, iya ginpahayag nga natabo ang aksidente sa kurbadahon nga porsyon sang dalan.
Suno kay Cadiao, base sa inisyal nga imbestigasyon, nag-overtake ang bus sa isa man ka bus apang nadulaan ini sang preno kag nahulog gid sa pil -as.
Ang nahulugan nga pil- as naman ang nagataas sang kapin 40 ka tapak.
Isa sa mga napatay ang driver mismo sang bus nga si Ricky Serios nga ginapahayag nga utod gid ang kamot, amo man ang inspector nga si Jayvon Fandagani.
Ginpangdala sa Angel Salazar Memorial General Hospital ang iban nga mga biktima samtang ang iban naman nga pasahero nga kritikal ang kondisyon ang ginpangdala sa ospital sa Iloilo City.
Dugang ni Cadiao, sakay man sang bus ang duha ka mga misyonaryo- isa ka Kenyan kag isa ka Filipino- nga nalakip man sa mga casualties.
Ini amo sanday Patrick Mosumi isa ka Kenyan national kag Francis John Vuelga sang Cabatuan, Iloilo.
Ini ang ginkumpirma mismo ni James Collado nga myembro sang Missionary Community of Corpus Christi.
Pauli na kuntani sa Antique ang duha ka misyonaryo halin sa pagkumpanyar sang natabo ang amo nga insidente.
Nagpasalig naman si Cadiao nga buligan sang provincial government ang tanan nga mga biktima.
