ILOILO CITY- Ginkumpirma ni Antique Governor Rhodora Cadiao nga isa ka ‘killer curve’ ang area nga ginluntaran sang aksidente sa Brgy. Igbucagay, Hamtic, Antique kun sa diin nahulog sa pil-as ang isa ka bus nga nagresulta sa kamatayon sang madamo nga mga pasahero.
Sa interview sang Bombo Radyo kay Governor Cadiao, iya ginpahayag nga madamo na sang nagkalahulog nga mga salakyan sa amo nga lugar bangud indi maayo ang desinyo sang dalan.
Suno sa gobernador, sadto pa, ginhingyo na niya sa Regional Development Council nga mahatagan sang igtalupangod ang amo nga dalan bangud sala ang engineering design sini.
Dugang ni Cadiao, apisar may ginbutang nga concrete barrier ang Department of Public Works and Highways, indi ini bastante agud malikawan ang kaangay nga aksidente.
