ILOILO CITY- Ginpangunahan ni President Ferdinand Marcos Jr., ang pagpanagtag sang certificate of land ownership award (CLOA) sa mga agrarian reform beneficiaries sa Passi City sa Iloilo.
Sa speech sang presidente, ginpahayag sini nga ang Department of Agrarian Reform ang may mandato nga ipanagtag ang mga duta sa mga wala sang duta nga mga mangunguma kag maghatag sang mga serbisyo nga pangsuporta sa mga ini para masigurado ang ila produktibo nga estado nga pang-ekonomiya.
Ang duta nga ginhatag paagi sa Comprehensive Agrarian Reform Program ang isa ka pang-sosyodad nga kinamatarung nga programa sang gobyerno agud ipanagtag ang pribado kag pampubliko nga duta nga pang- agrikultura para iduso ang pang-ekonomiya sang magagmay nga mangunguma.
Gin-engganyo man ni Marcos ang mga mangunguma nga mag-upod sa kooperatiba agud makakuha sang suporta nga serbisyo gikan sa gobyerno.
Nahibaluan nga kabilugan nga 2,779 land titles sa 2,143 Agrarian Reform Beneficiaries (ARBs) nga naga- cover sang kapin 2,903 hectares sang agricultural land ang napanghatag sa mga benepisyaro.
May yara man sang napanghatag nga farm machinery and equipment (FME) kag organic fertilizers nga nagabalor PhP26.7 million sa ginpili nga Agrarian Reform Beneficiaries Organizations (ARBOs) sa Capiz, Guimaras kag Iloilo.
