ILOILO CITY- Ginaengganyo sang newly- elected Sangguniang Kabataan Provincial Federation President kag ex-officio Board Member sa Iloilo nga si Hon. Esara Aldeguer Javier ang tanan nga Sangguniang Kabataan officials nga maghimo sang mga resolusyon nga mapuslan gid sang mga pamatan-on.
Sa iya mensahe sa atubang sang mga myembro sang Sangguniang Panlalawigan, ginpahayag ni Javier sang Aspera, Sara, Iloilo nga kinahanglan nga mahatagan sang prayoridad amo ang education assistance, sports development, physical wellness kag mental health.
Suno kay Javier nga bangud naghalin siya sa pamilya sang mga public servants, gamiton niya ini bilang inspirasyon agud maghatag sang matuod- tuod nga serbisyo sa Iloilo.
Nagpasalig naman ini nga siya isa mangin isa ka lider nga indi madiktahan apang magapanindugan para sa kaayuhan sang sektor sang pamatan-on.
