ILOILO CITY- Ginpatigayon subong nga adlaw ang launching sang Kasadyahan sa Kabanwahanan 2024.
Sa pinakauna nga tion, ang Iloilo Provincial Government ang maga-host sang amo nga aktibidad sa Enero 27, 2024 nga kabahin sang Dinagyang Festival.
Sa interview sang Bombo Radyo kay Iloilo Governor Arthur Defensor, Jr., iya ginpahayag nga siyam ka mga tribu nga naga-represent sang ila tagsa ka festival nagikan sa nagkalain-lain nga banwa sa probinsya ang magapasakop.
Ini ang ginalakipan sang mga masunod:
- Katagman Festival sang Oton
- Saad Festival sang Leganes
- Pantat Festival sang Zarraga
- Cry of Jelicuon Festival sang New Lucena
- Kaing Festival sang Leon
- Tultugan Festival sang Maasin
- Hirinugyaw-Suguidanonay Festival sang Calinog
- Banaag Festival sang Anilao
- Kasag Festival sang Banate
Suno kay Defensor, ginalauman nga ipakita sang amo nga mga tribu ang manggaranon nga kultura sang Iloilo.
Pahayag niya, ang tagsa ka tribu ang magabaton sang P1 million nga subsidy nagikan sa provincial government.
Dugang pa niya, ang Kasadyahan sa Kabanwahanan ang nagatanyag sang inclusive kag engaging performance nga magatutok sa tatlo ka mga importante nga haligi nga amo ang Fun, Foodie, kag Friendly nga nagasanto man sa bag-o nga tourism slogan sang probinsya nga Fun, Foodie, Friendly Iloilo.
