ILOILO CITY- Nagpa-Bombo ang isa ka Barangay Kagawad agud ireklamo kag ipahibalo sa publiko nga may nagagamit sang iya facebook account agud manghulam sang kwarta.
Sa interview sang Bombo Radyo kay Brgy. Kagawad Joan Mijares, sang Brgy. San Pedro, Jaro, Iloilo City, iya ginpahayag nga sang Nobyembre pa sang na- hack ang iya nga account kag wala na ini sang access diri.
Suno kay Mijares, nakibot na lang ini nga may mga tawo nga nagpalapit sa iya agud sukton siya sang iya utang.
Pahayag niya, nag-utang sa iya duha ka abyan ang amo nga hacker kun sa diin P5,000 ang ginhulam sa isa niya ka abyan kag P2,000 naman sa isa kag gin- transact paagi sa G-cash.
Nagapati si Mijares nga paagi sa Bombo, indi na makapangbiktima ang hacker sang iya facebook account.
