ILOILO CITY- Nag-resign na sa Philippine National Police ang multi-awarded police officer nga si PCapt. Charlie Sustento Jr.epektibo sang Disyembre 15.
Sa interview sang Bombo Radyo kay Sustento, iya ginpahayag nga sang Septyembre pa kunyani ini nag-resign apang gin-hold sang senior officers sa Camp Crame aang iya resignation.
Suno kay Sustento, nasubuan ini nga bayaan ang halos duha ka dekada nga serbisyo bilang myembro sang Philippine National Police.
Gin-ako niya nga isa sa iya ginkonsiderar nga rason amo ang ginkaulamiran nga kaso sadto nga nagresulta sa pagka- dismiss sa iya sa serbisyo sa sulod sang lima ka tuig.
Magluwas diri, luyag man ni Sustento nga tutukan ang iya pamilya.
Nagpasalig naman ini nga bilang isa na ka private citizen,bug-os gihapon ang iya suporta sa organisasyon.
