Gin-abi-abi ni President Ferdinand “Bongbong” Marcos Jr. sa Malacañang ang duha ka mga Pinoy nga nakaluwas sa pagpang-atake sang Hamas militants sa Israel sang Oktubre.
Ini amo sanday Jimmy Pacheco kag Camille Jesalva nga pareho nga nag-trabaho bilang caregivers.
Si Pacheco ang nalakip sa duha ka Filipinos nga gin-hostage sang Hamas sa Gaza. Naglawig siya didto sang 49 ka adlaw antes ginhilway sang militante nga grupo sang Nobyembre 24 kadungan sang labing-una nga ceasefire sang magtimbang nga bahin.
Sa meeting sa presidente, ginsugid ni Pacheco kun paano ginsulod sang militante ang ila nga kibbutz tubtub sa ila sitwasyon sa Gaza.
Ginpahayag sini nga nagasaylo-saylo sila sa mga tunnel bangud ginapalagyuhan sang Hamas ang militar.
Si Jesalva naman, 31-anyos nga OFW halin sa Nueva Ecija, ang ginkilala man nga baganihan bangud wala sini ginbayaan ang iya 95-anyos nga employer nga si Nitza Hefetz sang tion nga nag-atake ang Hamas sa ila gina-istaran sa Nirim Kibbutz sa Gaza-Israel border. #
Pila ka myembro sang Hamas ang nagsulod sa ila nga balay kag nagkuha sa kuwarta nga gina-supot kuntani ni Jesalva para sa iya pagbakasyon diri sa Pilipinas.
Sang ulihi, na-rescue ang Pinay kag ang iya nga alaga sang nag-abot na ang tropa sang Israel Defense Forces.#
