Kanselado ang public celebrations sang Pakuwa sa Bethlehem, ang lugar nga nahamtang sa West Bank, kag ang lugar kun sa diin ginapatihan nga ginbun-ag si Hesukristo.
Una na nga gin-desisyunan sang local leaders sa amo nga Christian town nga ipaiway anay ang public Christmas festivities bilang pagpakita sang simpatiya sa mga Palestinians nga nagasuprer bangud sang gyera sang Israel kag Hamas sa Gaza Strip.
“It’s impossible to celebrate when so many — on both sides — have lost so much,” suno kay Rami Asakrieh, isa ka Franciscan friar kag pastor sa St. Catherine’s Church. “We canceled the festivities as a sign of solidarity with the victims of the war.”
Limitado ang Christmas activities sa worship kag prayer kag wala na ang nakaandan nga Christmas lights kag Christmas trees kag wala man ang nakaandan nga linibo ka mga tawo nga nagadugok sa mga dalanon kag ang maduagon nga mga dekorasyon.
Halimbawa sang makit-an subong sa Bethlehem amo ang Nativity scene kun sa diin nakaputos si baby Jesus kag nabutang sa nakatangkas-tangkas nga mga debris.
Ginpahayag nga ini nga artwork ang naga-representar sang displacement sang Palestinian families nga ginapaanggid man sa pagpalagyo nanday Jesus, Mary kag Joseph sa mandu ni King Herod.
Nahibaluan nga halin sang Oktubre 7, limitado lang ang hulag sa Bethlehem amo man sa iban nga Palestinian towns sa West Bank kag may yara sang military checkpoints nga amo ang istrikto sa mga Palestinians nga nagaguwa-sulod.# (Photo: AP via NYPost)
