Nanguna ang Betlehem sa ginmensyonar ni Pope Francis sa tuigan nga Christmas Day “Urbi et Orbi” ukon sa “To the City and the World” mass sa Vatican.
Ang Bethlehem amo ang lugar sa West Bank kun sa diin nabun-ag si Hesus masobra 2,000 ka tuig na ang nakaligad. Sa mismo adlaw sang Paskuwa, nahimo ini nga ghost town kag wala sang public celebrations bangud sa nagapadayon nga gyera sa tunga sang Israel kag Hamas.
Wala sang higante nga Christmas tree, wala sang naga-martsa nga mga banda, kag wala sang bisan ano nga mga aktibidad nga amo ang masami nga naga-ganyat sa linibo ka mga turista.
Sa iya misa sa Vatican, nagpahayag ang Santo Papa sang iya liwat nga panawagan nga tapuson na ang gyera sa Israel kag Palestine.
Liwat man ini nga naghingyo nga hilwayon ang mga kabataan kag tapuson na ang military operations nga amo ang naga-apekto sa inosente nga mga sibilyan.
“I reiterate my urgent appeal for the liberation of those still being held hostage. I plead for an end to the military operations with their appalling harvest of innocent civilian victims, and call for a solution to the desperate humanitarian situation by an opening to the provision of humanitarian aid”, pahayag sang Santo Papa.
Sa “Urbi et Orbi” speech, namensyonar man sini ang mga kinagamo sa Armenia, Azerbaijan, Syria, Yemen, Ukraine, South Sudan, Congo, Cameroon, kag sa Korean peninsula.
“I implore peace for Ukraine. Let us renew our spiritual and human closeness to its embattled people.”
Nag-apelar ang Santo Papa sa humanitarian initiatives, dialogue kag security nga mangibabaw labaw pa sa nakatabo subong nga kalakasan kag pagpamatay. # Photo: Gregorio Borgia via wbaltv
