ILOILO CITY – Ginakonsiderar sang gobyerno sang Pilipinas nga magtukod sang permanente nga istruktura nga magaserbe nga shelter para sa mga manugpangisda sa Ayungin Shoal sa West Philippine Sea.
Suno kay Armed Forces of the Philippines Spokesperson Colonel Medel Aguilar, natalana pa ini nga planuhan bangud nga nagakapadat nga mangin inter-agency program ini.
Pahayag niya, nakahanda ang militar nga mag-perform sang ila nga bahin sa pagpatuman sang proyekto.
Sang Disyembre 12, ginpahayag ni anay Supreme Court Senior Associate Justice Antonio Carpio nga ang Pilipinas ang dapat nga magtukod sang istruktura sa Ayungin Shoal kasunod sang pagpang-atake sa mga Filipino vessels sa West Philippine Sea.
Una naman nga ginplanuhan ni Senator Francis Escudero nga iduso ang allocation sang indi magnubo sa P100 million sa 2024 national budget para sa pagpatukod sang lodging facility sa Ayungin Shoal.
