ILOILO CITY- Proud gihapon ang mga Pinoy sa Japan sa pihak sang naangkon nga kalutusan sang Pinoy boxer nga si Marlon Tapales sa ila away sang Japanese superstar nga si Naoya Inoue para sa super bantamweight championships sa Ariake Arena sa Tokyo, Japan.
Suno kay Bombo Josel Palma, Samurai Correspondent, nagadayaw sa gihapon ang mga Pinoy sa Japan sa nangin performance ni Tapales kag sa pagwagayway sang hayahay sang Pilipinas.
Matandaan nga nagdaug si Inoue paagi sa tenth round stoppage.
Sa amo nga away, duha ka beses niya nga napatumba si Tapales, una sa hingapusan sang fourth round apang natigayon nga ma- beat ni Tapales ang 10-count.
Ang ikaduha niya nga pagkatumba amo ang sa ika-10 nga round kun sa diin wala na ini maka-recover.
Sa bahin ni Tapales, ini ang ikaapat niya nga kalutusan sa iya career kag ikaduha paagi sa knockout.
Si Inoue naman ang nagpabilin nga may perfect record kag nag- improve pa sa 26-0, nga may 23 wins paagi sa stoppage.
Sa subong, ginauyatan sang ginbansagan “The Monster” ang WBC, WBA, WBO, kag IBF super bantamweight championships.
