ILOILO CITY- Nagapanindugan si Iloilo Governor Arthur Defensor Jr. nga makaalarma ang iligal nga droga sa probinsya sa pihak sang nangin pahayag sang Police Regional Office 6 nga indi makaalarma ang illegal drug trade sa Western Visayas.
Ini may kaangtanan s dalagko nga volume sang suspected shabu ng nagabalor sang P40.8 million sa Janiuay.
Sa interview sang Bombo Radyo kay Gov. Defensor, iya ginpahayag nga tubtob may droga, makabig ini nga alarming.
Suno kay Defensor, kinahanglan gid nga pabaskugon ang seguridad sa mga pwerto agud indi makalusot ang mga kontrabando.
Pahayag sang gobernador, handa man ang Provincial Government nga magbulig sa pagbakal sang sniffing dogs agud nga mapasangkad pa ang kampanya kontra iligal nga droga.
Nahibaluan nga sa probinsya sang Iloilo, may yara pa sang 18 ka mga barangay nga indi pa drug cleared base sa data sang Iloilo Provincial Peace and Order Council kag Provincial Anti-Drug Abuse Council.
