ILOILO CITY- Hatagan ni Iloilo City Mayor Jerry Treñas sang tsansa ang mga non-performing department heads para nga mag-improve ang ila performance subong nga 2024.
Sa interview sang Bombo Radyo kay Mayor Jerry Treñas, iya ginpahayag nga kabahin ini sa iya panugyan sa mga department heads nga kinahanglan nila mag-ubra sang maayo bangud ang publiko ang nagapa-sweldo sa ila.
Suno kay Treñas, kinahanglan nga magpasa sang report kada semana ang mga department heads agud may update sa ila accomplishments.
Sa pagkamatuod suno sa alkalde, nakita niya kun sin-o ang nagakinahanglan sang improvement.
Gin-athag naman sang alkalde nga wala ini nagalagas sang award, sa baylo, luyag lamang niya nga makit-an ang maayo nga perfomance sa mga empleyado ilabi na ang mga department heads.
