Ginkumpirma sang Buckingham Palace nga na-diagnose nga may cancer ang hari sang Britanya nga si King Charles III.
Wala gin-anunsyo kun ano ini nga sahi sang cancer apang gin-athag nga na-diskubrehan ini sang nagpaidalom ang hari sa treatment bangud sa iya nagdaku nga prostate.
May yara man sang royal source nga nag-klaro nga indi prostate cancer ang gina-suprer sang hari.
Ginpahayag man sang palasyo nga nagapabilin nga positibo ang 75-anyos nga hari sa iya nga treatment kag nagalaum nga makabalik na sa iya nga royal duty sa labing madali nga tion.
Wala na sang dugang nga detalye nga ginhatag kaangay sang stage sang cancer ukon prognosis.
Personal man nga ginpahibalo ni King Charles III ang iya duha ka mga anak nga lalaki kaangot sa amo nga diagnosis.
Ang Prince of Wales ukon si Prince William ang may yara sang regular contact sa iya nga amay, samtang ang Duke of Sussex naman nga si Prince Harry nga nagapuyo subong sa Estados Unidos sang Amerika ang magabyahe man sa United Kingdom sa masunod nga mga inadlaw.
Septyembre 2022 sang nangin hari si Charles kasunod sang kamatayon sang iya iloy nga si Queen Elizabeth. #
(Getty Images via BBC)
