Padayon pa nga ginapangita sang rescue teams ang isa ka helicopter sang United States Marine Corps nga nadula samtang padulong ini sa California.
Ini amo ang CH-53E Super Stallion nga gin-report sang Marine Corps Air Station Miramar nga missing sang malapit na sa San Diego.
Lima ka marines ang sakay sang helicopter nga halin sa airbase malapit sa Las Vegas.
Suno sa Marine Corps, ang missing nga marines ang naka-assign sa Marine Heavy Helicopter Squadron 361 nga kabahin sang 3rd Marine Aircraft Wing nga naka-headquarter sa Miramar.
Mabudlay ang ginapatigayon nga search and rescue subong bangud sa winter storm kag mabaskog nga pag-ulan amo man ang madamol nga snow sa nabukid nga bahin.
Matandaan nga sang Agusto, patay man ang piloto sang Marine Corps sang nagtibusok ang iya nga F/A-18 Hornet jet sa amo man nga area malapit sa Marine Corps Air Station Miramar.#
(Nelvin C. Cepeda/The San Diego Union-Tribune via AP, file)
