ILOILO CITY- Ginaplano sang senado nga magpatigayon sang public hearings may kaangtanan sa economic provisions amendments sa gwa sang Metro Manila agud masiguro ang mas masangkad nga partisipasyon kag representasyon sa nagapadayon nga debate.
Suno kay Senator Sonny Angara, ang potential nga lokasyon para sa sini nga hearings amo ang Cagayan de Oro, Cebu, Iloilo, ukon Bacolod.
Pahayag ni Angara, nga amo ang nagapanguna sa Charter change talks sa Resolution of Both Houses No. 6, ang subcommittee on constitutional amendments and revision of codes ang magahiwat sang ikaduha nga hearing nga magasentro lamang sa public services.
Suno kay Angara, bilang pagsunod sa direktiba ni President Ferdinand “Bongbong” Marcos Jr., gina-review na sang upper chamber ang proposed economic amendments sa 1987 Constitution.
