Plano ni Senator Imee Marcos nga pa-imbestigaran sang separado ang cash aid program sang Department of Social Welfare and Development (DSWD) nga ginpahayag milagro nga nagtuhaw sa 2024 budget.
Matandaan nga si Senator Marcos mismo ang nag-una sa pagmuno sa P26.7 billion funding para sa Ayuda sa Kapos sa Kita Program (AKAP) kadungan sang Senate electoral reforms committee hearing kun sa diin siya man ang chairperson.
Gina-imbestigaran sang amo nga panel ang gina-alegar nga kurapsyon sa pagduso sang Charter change paagi sa people’s initiative (PI).
Apang nagapati ang senadora nga lain pa gid nga imbestigasyon ang kinahanglan sang amo nga isyu kun sa diin gina-alegar gingamit man ang cash aid program sang ahensya sang gobyerno para sa signature drive.
Dapat man suno sa iya nga matutukan ini kag hatagan man ni DSWD Secretary Rex Gatchalian sang kaathagan.
“Tingnan natin. It has to take a different form kasi lihis na sya dun sa saklaw ng PI pero kailangan siguro pag usapan baka naman mabigyan na tayo ng linaw ni Secretary Gatchalian,” suno sa senadora.
“Pero ang pagkaalam ko talagang hindi alam ng DSWD. Kailanman hindi lumabas sa anumang subcommittee, plenary o iba pang debate,” dugang pa sang senadora.
Sa subong suno sa senadora, gusto anay sini nga magtutok sa imbestigasyon sa signature drive agud nga maka-abot sa bag-o nga legislation kaangot sa husto nga conduct sang people’s initiative.#
