Ginpangguba sang Amerika ang tatlo ka attack drones sang Houthi malapit sa mga commercial ships sa Red Sea amo man ang pito ka anti-ship cruise missiles nga naka-pwesto sa amo nga teritoryo.
Suno sa Central Command, bangud nakauna sa paghulag ang pwersa sang Amerika, wala sang may nahalitan sa mga barko sa Red Sea.
Ginsaad man sa statement nga ginahanda na kuntani sang rebelde nga Houthi nga ilunsar ang missiles sa Red Sea ukon ang global trade route.
Ang strikes naman sang Amerika ang gintawag lamang nila nga self-defense.
Antes sini, gin-igu man sang American forces ang apat ka drones sang Houthi lakip na ang duha ka anti-ship cruise missiles.
Matandaan nga Nobyembre sang nagligad nga tuig sang nagsugod ang Houthis sa pag-atake sa Red Sea kun sa diin ang mga ginapuntariya sini amo ang mga barko nga naangot sa Israel.
Nagbalos naman ang Estados Unidos kag ang United Kingdom paagi sa major strikes sini batok sa amo nga rebelde nga nakabase sa Yemen kag suportado sang Iran. #
(Photo is grabbed from Euro News’ website)
