Ginpalihog na lamang ni Pope Francis sa isa ka aide ang pagbasa sang iya speech sa isa ka seremonya sa weekend bangud sa gina-suprer nga bronchitis.
Pila ka adlaw na nga gina-trangkaso ang Santo Papa kag indi pa maayo ang tingog sini sang nagtambong sa opening ceremony sang judicial year sang Vatican tribunal.
“I have prepared a speech but as you can see, I am unable to read it because of bronchitis. I have asked Monsignor [Filippo] Ciampanelli to read it for me,” suno sa pope.
Kasunod sini, nagpakigkita si Pope Francis kay German Chancellor Olaf Scholz sa Vatican.
Nahibaluan nga pila na ka mga isyu sa ikaayong lawas ang ginapangatubang sang 87-anyos nga Santo Papa.
Sang nagligad nga Myerkules, nagbisita ini sa ospital sa Roma para sa check-up matapos nga wala man ini nakabasa sa atubang sang weekly audience bangud sa ginabatyag nga trangkaso.
Sang Lunes kag Sabado, kanselado man ang appointments sini bangud sa mild flu apang nakahatag ini sang regular weekly address sa atubang sang mga tumuluo sa Saint Peter’s Square sang Domingo.
Sang Disyembre, matandaan nga wala man gindayon ang planado na kuntani nga byahe sang Santo Papa sa COP28 climate meeting sa Dubai bangud sa epekto sang influenza kag lung inflammation.#
(Photo: AP News)
