Apisar nga amat-amat pa lang nga nagapaumpaw sa iya trangkaso, gingamit ni Pope Francis ang kahigayunan sa pag-atubang sa mga tumuluo sa St. Peter’s Square sa Vatican agud magpanawagan nga tapuson na ang gyera sa Gaza.
Mismo ang Santo Papa ang nagpanguna sa Angelus prayer, kun sa diin iya man nga ginplastar ang mga kunsekwensya sa mga kabataan
pananglitan magpadayon pa ang Israel-Hamas war.
“I carry in my heart with pain the suffering the people of Palestine and Israel. Is this really how we plan to build a better world? Stop, Enough,” kabahin sang pahayag sang Santo Papa.
Liwat man ini nagpanawagan nga hilwayon na ang nabilin nga mga bihag nga ginpangkuha sang Hamas sa southern Israel sang Oktubre 7, 2023.
Masobra 30,000 na ang nagkalamatay bangud sa amo nga giyera sa Gaza kun sa diin 21,000 ang ginabug-usan sang kababainhan kag kabataan.
Talalupangdon man nga ini ang una nga tion nga mas klaro na ang tingog sang Santo Papa sa sulod sang pila ka adlaw.
Sang Sabado, ginpalihog lamang sini sa iya aide ang pagbasa sa ceremonial speech bangud sa ginasuprer sini nga bronchitis. Nagpa-check up man ini sa isa ka ospital sa Roma sang nagligad nga semana bangud sa trangkaso.
