ILOILO CITY- Gin-umpisahan na sang Davao City Prosecutor’s Office ang legal proceedings batok sa controversial nga televangelist nga si Pastor Apollo Quiboloy kag sa iya mga associates, nga nagapangatubang sang alegasyon nga sexual kag child abuse.
Ini nga development ang kasunod man sang direktiba ni Department of Justice Secretary Jesus Crispin Remulla.
Suno sa ahensya, si Pastor Quiboloy ang nagapangatubang sang charges sang sexual abuse kag iban nga akto sang child abuse, kaupod sanday Jackielyn Roy, Cresente Canada, Paulene Canada, Ingrid Canada, kag Sylvia Cemanes.
Gin- endorso man sang Davao City Prosecutor’s Office sa main office sang Justice Department ang complaint para sa qualified trafficking in persons batok kay Quiboloy.
Ang impormasyon naman para sa qualified trafficking ang ginpasaka sa Pasig City.
Suno kay Remulla, desidido ang Department of Justice nga ipatuman ang layi kag ang paghatag proteksyon sa kabataan gikan sa pagpang-abuso.
Ginpahayag naman ni Justice Assistant Secretary Mico Clavano, ang trafficking case sa Pasig ang non-bailable.
Kahapon sang ginpirmahan ni Senate President Migz Zubiri ang arrest order batok kay Quiboloy bangud sa iya pagpamalibad nga magtambong sa Senate investigation sa alegasyon sang sexual abuse batok sa iya.
Ang order nag-cite in contempt kay Quiboloy kag nagmando nga i-detain ini sa Office of the Senate sergeant-at-arms tubtob nga mag-atubang ini sa imbestigasyon,
