Nagsaka na sa walo ang narekord nga napatay sa Pilipinas bangud sa pagkalumos samtang nga gina-obserbar ang Semana Santa.
Sa data sang Philippine National Police (PNP), duha sa drowning incidents ang natabo sa Region 2 kun sa diin pareho nga menor de edad ang involved.
May tag-isa man nga napagkit sa Regions 3, 4A, 5, 8, 11 kag 13 kun sa diin kabataan ang kalabanan ang mga biktima.
Agud malikawan ang kaangay nga mga insidente, nagmandu man ang Department of the Interior and Local Government (DILG) sa ordered local government units (LGUs) nga pasangkadon pa ang ila nga personnel deployment.
Lakip man diri ang pag-activate sa peace and order councils kag local risk reduction and management councils.
Una naman nga ginpahayag ni PNP chief Gen. Benjamin Acorda Jr. nga 7,000 police officers ang na-deploy sa tourist areas kaangay sang resorts kag mga suba agud nga ma-monitor ang deployment sang lifeguards kag mapabilin ang public safety.#
