Nagpanugyan si anay Department of Health (DOH) secretary kag subong Iloilo 1st district Rep. Dr. Janette Garin sa kababainhan nga indi na lang magsuksok sang underwear kun yara man lang sa sulod sang balay subong nga nagatagiti ang init.
Kinahanglan ang ventilation nga ini suno kay Garin agud nga indi na maglala ang fungal infection bangud prone gid ang mga babaye nga makaangkon sini sa kada summer.
“Lalo na sa tag-init —wala lang malisya no—pero kung nasa bahay ka lang naman or matutulog, it’s quite advisable na walang underwear pero nakapajama ka naman or naka-shorts,” pahayag sini. “Yung ventilation na yan ay epektibo para mapigilan or hindi na lumala yung fungal infection.”
Paathag pa sini, indi sexually-transmitted disease ini nga infection kundi dala sang normal flora sa intimate area, sa pubic area, kag sa perineal area sang babaye.
Ang perineal ang nakuha sa termino nga perineum nga amo ang tiny patch sang sensitive skin sa tunga sang kinatawo sang isa ka tawo.
Kun nagabasa ini kag nagabalhas bangud sa mainit nga panahon, diri kag nagadamo ang fungi kag naga-umpisa sa pagpalangatol suno pa sa House deputy majority leader.
Ginpanugyan man sini nga indi ini dapat pagkaluton bangud mas nagalala ini.
“Kapag medyo basa, napapawisan, at medyo mainit yung panahon, eh yan ay perfect petri dish para dumami yung ating fungi…Kaya siya nagiging makati,” paathag pa sang mamalidha. “Ang importante doon ay may gamot naman yan, but you have to keep that area dry.”#
