Ginkumpirma sang Department of Science and Technology (DOST) nga duha ka terabytes sang data ang nakawat sang local hackers sa panibag-o nga cyberattack nga natabo sang Martes.
Suno kay DOST Secretary Renato Solidum Jr., nagapakig-angot na subong ang ahensya sa Department of Information and Communications Technology (DICT) agud nga ma-monitor ang sitwasyon.
Ginatrabaho man sang technical teams ang pag-address sa parte nga mahuyang ang cyber defenses sang ahensya.
Suno naman kay DICT Spokesperson Assistant Secretary Aboy Paraiso, 𝘴𝘵𝘰𝘳𝘢𝘨𝘦-𝘸𝘪𝘴𝘦, ini nga hacking incident amo ang pinakadaku nga natabo subong nga Marcos administration.
Ginpahayag man sini nga ang nakompromiso nga data ang nag-lock out sa DOST sa kaugalingon sini nga mga sistema.
Na-isolate naman sang ahensya ang apektado nga mga sistema kag nakahimo na sang preventive measures agud malikawan ang dugang nga hacking incidents.
Sa amo nga cyberattack, nagbilin pa ang local hackers sang note nga nagaangot sa insidente sa movement nga ginatawag “#opEDSA” nga organisado sang “ph1ns” kag ila pa gin-claim nga ang ila aktwasyon ang ginhimo bilang protesta sa Charter change.#
