ILOILO CITY- Wala sa gihapon naistoryahan nanday Iloilo Governor Arthur Defensor Jr. kag Iloilo 2nd District Representative Mike Gorriceta ang posibilidad sang ila tandem sa masunod nga eleksyon.
Una na nagtuhaw ang pangalan ni Gorriceta nga ini ang ginalantaw nga posible nga magpadalagan sa pagka bise- gobernador .
Labi pa ini nga nagtunog matapos nakit- an nga nag-updanay sanday Defensor kag Gorriceta sa isa ka event sa Leganes sang damlag lang.
Sa interview sang Bombo Radyo kay Defensor, iya ginpahayag nga madugay na niya nga abyan si Gorriceta.
Suno kay Defensor, ginakabig man niya nga natural nga kaalyado ang mamalidha, walay sapayan ang ila partido sa pulitika.
Nahibaluan nga magluwas kay Gorriceta, matunog man ang pangalan ni Iloilo 5th District Representative Raul Boboy Tupas nga posible nga mangin runningmate ni Defensor.
