ILOILO CITY- Nakarecord ang Saudi Arabia sang masobra sa 20 milyon nga mga pilgrims nga nagbisita sa ginbansagan Prophet’s Mosque sa Madinah kadungan sang selebrasyon sang Ramadan.
Suno kay Bombo Nilo Magalon, international correspondent sa Saudi Arabia, isa sa pinakabalaan nga lugar nga ginakadtuan sang mga pilgrims amo ang panteon sang propeta nga si Mohammad nga isa ka importante nga parte sang mosque.
Narekord man ang 2.5 million Muslims nga nagtipon sa Grand Mosque sa Mecca, Saudi Arabia, sa isa sa pinakabalaan nga adlaw sang Ramadan.
Subong nga adlaw, kadungan sang Eid ul Fitr ukon ulihi nga adlaw sang Ramadan, ginalauman ang enggrande nga selebrasyon sa okasyon.
Nahibaluan nga ang Eid Al-Fitr amo ang adlaw nga nagahatag sang padya si Allah sa iya mga sumulunod nga himpit ang paghalad sang pangamuyo kay Allah sa sulod sang isa ka bulan nga Ramadan.
