ILOILO CITY- Sa Pilipinas, madamo na kita sang mga kilala nga pulitiko nga pila ka beses na nga nag-intra sa eleksyon.
Halos tanan nga posisyon nauyatan na.
Apang, may nakilala ka na bala nga tawo nga masobra 200 na ka eleksyon ang iya gin- intrahan?
Ipakilala ko siya.
Siya amo si K. Padmarajan nga ginbansagan “Election King” kag “World’s Biggest Election Loser” matapos nagpartisipar ini sa 238 political elections.
Ang 65-anyos nga repairman halin sa Indian state sang Tamil Nadu ang nangin kandidato sa nagligad nga tatlo ka dekada kag naggasto man sang dako para sa registration fees.
Apang, sa amo kadamo niya nga pagkandidato sa eleksyon, wala gid ini nakatilaw sang kadalag-an.
Sa pihak sini, proud siya sa iya kaugalingon bangud sa pihak sang madamo nga kapaslawan, padayon siya nagauyat sa paglaum nga basi sa palaabuton, bisan makaisa lang, magaabot gid nga matilawan niya ang ginatawag nga kadalag-an.
Subong nga tuig gali, magapasakop naman siya sa election- ika 239 na ini.
Wala man siya nagalaum gid nga magdaug.
Ang sa iya lang amo nga makahibalo siya nga magbaton sang kalutusan.
