ILOILO CITY- Posible nga bag- uhon sang state weather bureau nga PAGASA ang current maximum temperature forecasts para sa bulan sang Mayo bangud posible nga malapawan sang aktwal nga temperatura sa masunod nga bulan ang nabalhag nga forecasts sang tuman ka taas nga temperatura.
Ini matapos nakarecord ang ahensya sang temperatura nga 40 degrees Celsius sa Echague, Isabela sang Lunes nga 0.3 degrees nga mas mataas sa initial forecast.
Suno kay Ana Liza Solis, chief sang Cimate Monitoring and Prediction Section, ini nagakahulugan nga may yara sang dako nga tsansa nga mas magtaas ang temperatura sa Mayo.
Pahayag ni Solis,ang mga residente sa urban areas ang dapat mangin vigilant sa urban heat island effect nga mahimo may yara sang mas mataas nga temperatura bangud sa excessive concrete, steel, glass kag iban nga structures nga naga-absorb kag nagapagwa sang mas madamo nga init.
