ILOILO CITY- Masolosobra isa ka bulan matapos nabungkag ang Treñas- Baronda alliance, ginsabat na ni Iloilo City Lone District Rep. Julienne Baronda ang pila ka mga pamangkot may kaangtanan sa pinakaulihi nga mga development sa patag sang pulitika sa syudad.
Sa exclusive interview sang Bombo Radyo kay Rep. Julienne Baronda, iya ginpahayag nga humalin sang Marso 15 nga amo ang adlaw nga nabungkag ang ila alyansa ni Iloilo City Mayor Jerry Treñas sang gindeklarar sang alkalde nga padalaganon niya ang anak nga si Raisa Treñas- Chu
sa pagka- kongresista, nalipay ini bangud nga madamo sa gihapon ang nagpabutyag sang suporta sa iya.
Ginpahayag man ni Baronda nga wala siya sang kalain sang buot sa natabo kag ginabaton niya ini.
May kaangtanan naman sa pahayag ni Mayor Treñas sa posibilidad nga may matabo nga switching kun sa diin sa baylo nga magpapili sa pagka-kongresista, pagka-alkalde ang padalaganan ni Raisa kag si Major Jerry ang magabunggo kay Baronda sa pagka- kongresista, ginpahayag sang mamalidha nga ginarespeto niya ang alkalde sa ano man ang desisyon sini.
Gindugang naman ni Baronda nga sa pihak sang mainit nga dalagan sang pulitika sa subong, para sa iya, indi pa ini husto nga tion agud tutukan ini bangud nga madamo pa sang mga problema kag isyu nga mas nagakinahanglan sang iya atensyon kag serbisyo.
