ILOILO CITY-Gin-athag ni USWAG ILONGGO Partylist Representative Jojo Ang nga nagapabilin nga maayo ang ila relasyon ni Iloilo City Lone District Representative Julienne Baronda.
Ini sa pihak sang break-up sang alyansa nanday Mayor Jerry Treñas kag Baronda.
Sa interview sang Bombo Radyo kay Rep. Ang, gin-ako niya nga humalin sang gin- anunsiyo ni Mayor Treñas ang plano nga pagpadalagan sang iya anak nga si Raisa Treñas- Chu sa pagka- kongresista, wala pa sila makaistoryahan ni Baronda.
Suno kay Ang, gintawagan man niya kag ginakontak si Baronda apang wala gid sila makatigayon nga makaistorya.
