Nagpasalamat si Vice President Sara Duterte kay President Ferdinand “Bongbong” Marcos Jr. sa padayon nga pagsalig sa iya bilang tiglikom sang Department of Education (DepEd).
Sa iya official statement, ginsiling man sang bise-presidente nga magapadayon sa pag-serbisyo ang ahensya kag ang teaching kag non-teaching teaching personnel para sa interes kag buwasdamlag sang mga estudyante.
“Makakaasa po kayo na ang DepEd, na binubuo ng ating mga guro at non-teaching personnel, ay patuloy na maglilingkod nang tapat para sa kinabukasan ng bawat mag-aaral,” pahayag sini.
Antes sini, sang Martes, matandaan nga nagpahayag ang presidente nga magapabilin nga education secretary si Duterte.
Ginsiling man sini nga indi apektado ang ila working relationship ni Sara apisar pa sang kontrobersyal nga interview kay First Lady Liza Araneta-Marcos kun sa diin ginpahayag sini nga naglas-ay na ang iya nga relasyon sa bise-presidente.
Una naman nga nagsabat si Sara nga ang personal nga balatyagon sang first lady ang wala sang labot sa iya mandato bilang isa ka government official.#
