Ginpangunahan ni Armed Forces of the Philippines chief General Romeo Brawner Jr. ang joint turnover kag donning of ranks ceremony para kay LtGen Fernando Reyeg, ang bag-o nga Commander sang Visayas Command (VISCOM) nga amo ang nagbulos kay Acting Commander Oscar Canlas Jr.
Ginpatigayon ang seremonya kahapon, Abril 24, sa Bondad Hall, Camp Lapu-Lapu, Cebu City.
Si Reyeg ang kabahin sang Philippine Military Academy “Sambisig” Class of 1991 kag naka-serbe anay bilang Deputy Chief of Staff para sa Operations, J3.
Antes sini, lain-lain man ang iya posisyon sa lain-lain man nga command lakip ang pagpungko bilang Assistant Deputy Chief of Staff for Education, Training, and Doctrine, AJ8; Joint Task Force Basilan; commander sang 3rd Scout Ranger Battalion; kag Chief of Staff sang 6th Infantry Division kag Chief sang Unified Command Staff sang Western Mindanao Command.
“Continue to uphold the highest standards of professionalism, integrity, and honor. Together, we will face the future with courage, resolve, and with the unshakable belief that the Visayas Command will always be a force to be reckoned with,” kabahin sang mensahe ni General Brawner Jr.#
