ILOILO CITY- Nangin produktibo kag masadya ang pagpakigsugilanon ni Iloilo City Mayor Jerry Treñas kanday House Speaker Ferdinand Martin Romualdez kag First Lady Liza Marcos.
Ini kadungan sang ila pagtambong sa groundbreaking ceremony sang 15-storey Medical Arts and Multi-Specialty Tower sa West Visayas State University Medical Center, Iloilo City.
Sa interview sang Bombo Radyo kay Mayor Jerry Treñas, iya ginpahayag nga sa malip-ot lang nga tion, napresentar niya kay Romualdez ang pila ka mga proyekto nga gusto niya matigayon sa syudad sa bulig sang House Speaker.
Suno sa alkalde, nagpasalig si Romualdez nga mahulat- hulat lang ang syudad kag maaprubahan gid ini nga mga proyekto kaangay na lamang sang pag-extend sang esplanade kag iban pa.
