Nagpanindugan si anay senador Antonio Trillanes IV nga wala sang layi nga nalapas kun nagpakig-angot nga mga police officers sa mga tiglawas sang International Criminal Court (ICC) nga naga-imbestigar sa kontrobersyal nga drug war ni anay Presidente Rodrigo Duterte.
Suno pa sa anay senador, ini nga mga pulis amo man ang mabutang sa alang-alang kun indi sila mag-sabat sa international court.
Ini nga follow-up statement ang kasunod sang iya ginbuyagyag nga nagkoordinar na ang korte sa 50 ka anay kag aktibo nga mga pulis nga naangot sa drug war, kag obligado sila nga magsabat bangud kun indi, mahimo mapasaka ang ila status sa suspect kag mahimo malimitahan ang hulag kag mahimo pa maaresto.
Pahayag pa ni Trillanes, indi man mag-coordinate ang ICC kay Sen. Ronald dela Rosa nga isa ini sa involved sa kaso bangud siya ang ginatudlo nga arkitekto sang Oplan Tokhang kag hepe sang Philippine National Police (PNP) sa initial implementation sang war on drugs sang 2016.
Main suspect si Bato suno kay Trillanes kag maathag na ang mga ebidensya batok sa iya.
“First, Bato was not approached because he was the main suspect in the case. The evidence against him is clear,” pahayag ni Trillanes. “Secondly, it is not a crime for the police to interact in their personal capacity because only they as individuals will be harmed if they do not answer for their involvement in the ICC case. Third, Bato said he will not give attention to my statement but he reacted lengthily,” dugang sang senador.
Sa pihak nga bahin, kumpyansa naman si Dela Rosa nga ang Department of Justice (DOJ) kag ang PNP ang magasilot sa government officials ukon sa law enforcers nga magabulig sa ICC investigation.
Una naman nga nagpaandam si PNP chief information officer Col. Jean Fajardo nga may sanctions batok sa police officers nga direkta nga nagpakig-angot sa ICC apisar nga wala sang clearance halin sa ila nga superiors.#
