PAVIA, ILOILO – Patay na sang nasapwan ang isa ka retired nga Philippine Navy sa Deca Homes sa Pavia, Iloilo.
Ang biktima amo si Bobby Jimmy Yula, 70 anyos.
Sa interview sang Bombo Radyo kay Police Staff Sergeant Wharen Talamor, imbestigador sang Pavia Municipal Police Station, iya ginpahayag nga nakabaton sila sang reklamo sa mga kasilingan sang biktima nga nagapanimaho ang iya balay.
Suno kay Talamor, sang ginbuksan sang mga otoridad ang iya balay, nakita ang biktima nga yara na sa salog malapit sa comfort room kag wala na sang kabuhi.
Yara naman sang bloat stage sang decomposition ang biktima sa diin nagahabok ang iya lawas sang nasapwan.
Nahibaluan nga ulihi nga nakit-an ang biktima nga buhi sang Sabado, Abril 27.
Sa impormasyon nga nakuha sang mga otoridad, nagasuprir ini sang highblood.
