ILOILO CITY- Padayon nga ginaimbestigaran sang otoridad ang pagkalipong sang halos 30 ka mga estudyante samtang ginapatigayon ang isa ka kahiwatan sa San Dionisio, Iloilo.
Natabo ang insidente samtang nagapatigayon sang street dance kag mass dance competition sa pagbukas sang Panaad Festival sa amo nga banwa.
Suno kay Reagan Betita, pinuno sang Municipal Disaster and Risk Reduction Management Office, magluwas sa tuman ka init nga tiempo, ginapahayag nga wala nakakaon ang nasambit nga mga estudyante.
Apisar nahatagan sang first aid sang rural health unit ang mga biktima, mayorya sa ila ang gindala sa Sara District Hospital bangud sa kakulang sang oxygen kag hospital beds.
