ILOILO CITY- Gindepensahan ni Iloilo City Mayor Jerry Treñas ang masami sini nga pag-suspend sang klase sa Iloilo City bangud sa tuman ka init nga tiempo.
Sa interview sang Bombo Radyo kay Mayor Treñas, iya ginpahayag nga naobserbahan niya nga may mga school heads ukon principal nga nagapang-alang- alang nga magsuspend sang klase gani bilang alkalde sang sydad, siya nalang ang nagahimo sang desisyon para sa kaayuhan sang mga estudyante.
Suno sa alkalde, kun may magreklamo man ukon maakig sa iya inisyatibo, handa man niya ini atubangon.
Nangabay naman ang opisyal sa Department of Education nga tun-an gid ang pagbalik sang daan nga school year nga nagabukas sa bulan sang Hunyo.
