Ginpa-summon sang Department of Foreign Affairs (DFA) si Chinese Embassy of Manila Deputy Chief of Mission Zhou Zhiyong kasunod sang natabo nga water cannon incident sa Scarborough Shoal ukon mas kilala nga Bajo de Masinloc.
Suno kay Foreign Affairs spokesperson Teresita Daza, naga-protesta ang gobyerno sang Pilipinas sa ginhimo nga harassment, pagbalabag, paggamit sang water cannons kag iban pa nga agresibo nga tikang sang China Coast Guard kag Chinese Maritime Militia batok sa Philippine vessels.
Naga-demand man ang ahensya sa Chinese vessels nga magbiya sa Bajo de Masinloc.
Ang insidente ang natabo sang Martes sa diin ginbombahan sang water cannons sang China Coast Guard ang Philippine civilian vessels nga nagalabay sa Scarborough Shoal para sa supply mission.
Naguba naman ang canopy kag steel railing sang BRP Bagacay sang Philippine Coast Guard vessel.
Mangin ang Bureau of Fisheries and Aquatic Resources vessel nga BRP Bankaw, nga kabahin man sang mission ang ginbombahan man sang Chinese vessels.
Nagpahayag naman ang Philippine Coast Guard nga magapadala sila sang recommendation sa National Task Force for the West Philippine Sea kasunod sang insidente.
Una na nga ginpahayag sang Permanent Court of Arbitration sang 2016 nga wala sang legal basis ang mga claims sang China sa teritoryo sang Pilipinas.
Apang sa gihapon, wala ginakilala sang Beijing ang nasambit nga desisyon.
