Nagmando si Iloilo Governor Arthur Defensor Jr. sang quarantine kag mas hugot nga biosecurity measures sa bug-os nga probinsya agud mapunggan ang paglapta sang red-striped soft scale insect (RSSI), nga naghalit na sa kapin 10,000 ka ektarya nga talamnan sang tubo kag nakaapekto sa sobra 9,000 ka mangunguma.
Gin-pirmahan ni Defensor subong, Oktubre 16, ang Executive Order No. 143 nga nagapatuman sang quarantine zones, pagdumili ukon pagkontrol sang pagbalhin sang mga materyales sa talamnan, mandatory disinfection, pest surveillance kag bulig para sa mga mangunguma nga naapektuhan sang peste.
Kasunod ini sa pagdeklara sang Sangguniang Panlalawigan sang state of calamity sa Iloilo bangud sa malapad nga paglapta sang RSSI.
Text by: Bombo Lynd-C Bade
