Nasamaran ang duha ka overseas Filipino workers (OFWs) kadungan sang mabaskog nga pag-ulan kag pagkatiphag sang duta sa Hong Kong.
Suno sa Department of Migrant Workers (DMW), mag-asawa ang involved sa amo nga insidente kag naga-trabaho sa Sai Kung, New Territories.
Ginpahayag sang ahensya nga nagakuha ang duha sang pictures kag videos sa damage nga natuga sang mabaskog nga pag-ulan sa pasilidad sang resort sang hinali nga natabo ang landslide.
Nakaangkon sang injury sa ulo ang babaye apang estable na subong ang kondisyon; samtang ang bana naman ang nagsuprer sang leg injuries kag gin-operahan.
Ginpasalig sang ahensya ang close monitoring sa kondisyon sang mag-asawa paagi sa Migrant Workers Office (MWO) kag Overseas Workers Welfare Administration (OWWA) Office sa Hong Kong.
Una naman nga may nahatag nga financial assistance sa mag-asawa.
Matandaan nga nag-isyu ang weather forecaster sang “possible black rainstorm alert” sa Hong Kong bangud sa thunderstorms nga rason man sang pagbinaha sa mga dalanon, pagsirado sang pila ka negosyo, kag pagka-atrasar sang pila ka hikers nga na-trap sa trails sa Sai Kung.#
(Photo is from South China Morning Post)
