Gin-anunsyo sang Department of Migrant Workers (DMW) nga maga-hire ini sang 100 ka Filipino caregivers agud ipadala sa South Korea sa idalom sang Pilot Foreign Caregiver Program.
Suno sa ahensya, ang makapasar sa evaluation ang iga-assign sa pagtatap sa bata kag nagabusong nga mga babaye kag paghimo sang mga ulubrahon sa sulod sang balay.
Pahayag ni DMW Assistant Secret Levison Alcantara, programa ini sang Korean government agud mahatagan sang bulig ang double-income families sa amo nga pungsod.
Government-to-government ang proseso sa recruitment samtang magabukas naman ang online registration sa Mayo 9-10.
Dapat nga ang aplikante ang naga-edad ang 24-38 anyos kag dapat nga nakahibalo sang basic Korean language.
Ang iban pa nga qualifications kag requirements ang sarang makit-an sa website sang DMW. Lakip dira ang valid National Certificate Level 2 caregiving certificate halin sa Technical Education and Skills Development Authority.#
