Ginalantaw nga isa ka daku nga pamahog sa seguridad sang Pilipinas kun matuod ang plano sang China nga maggamit sang floating nuclear power plants sa West Philippine Sea.
Suno kay National Security Council assistant director general Jonathan Malaya, kun ma-install ang nuclear power plants, gamiton ini agud ma-power ang military bases nga nahamtang sa artificial islands nga ginhimo sang China lakip na ang yara sa sulod sang exclusive economic zone sang Pilipinas.
Ginakahangaw-an man sang Pilipinas ini nga gina-alegar plano sang China bangud mas ma-militarize sini ang artificial islands.
Una nga nagguwa ang report sa Amerika kun sa diin ginapahayag nga ginatun-an sang China ang paggamit sang nasambit nga floating nuclear reactors agud ma-power ang military bases sa reclaimed lands.
Ginbase ini sa concern nanday US Indo-Pacific Command Adm. John Aquilino (nga nag-retiro sa US Navy sang nagligad nga Byernes) kag isa ka unidentified senior official halin sa US State Department.
Wala pa sang sabat ang China sa sini nga report.
