ILOILO CITY- Ginkumpirma ni Davao Oriental 2nd district Rep. Cheeno Miguel Almario nga isa ang China sa source-countries sang pinakaulihi nga cyberattacks sa local government websites.
Suno kay Almario, magluwas sa China, may iban pa nga attacks nga nagahalin man sa iban nga areas sa kalibutan.
Ginpahayag niya nga mabudlay nga makumpirma kun naangot ini nga cyberattacks sa West Philippine Sea (WPS) issue.
Si Almario amo ang vice chairperson sang House Committee on Information and Communications Technology.
Apisar gin-ako niya nga indi pa niya mapalayag ang mas detalyado nga explanation sa isyu bangud sa national security concerns, ginpahayag niya nga ang attacks ang pareho nga domestic kag international ang origin.
