ILOILO CITY- Natukiban sang otoridad nga ecstacy nga nagabalor sang P70 million ang parcel nga una nga gindeklarar nga dog kag cat food sa Ninoy Aquino International Airport.
Ginpahayag nga ang drug shipment nga nagaunod sang 40,000 tablets sang party drug ecstasy ang naghalin sa The Netherlands kag ginapatihan nga i- distribute ini sa National Capital Region.
Suno kay PNP-Aviation Security Group spokesperson Police Captain Jennifer Batingan, nag-agi sa x-ray sang customs ang parcel kag nakit-an nila nga non-organic ang unod nga nagakahulugan nga posible druga ukon ecstasy.
Gin-aresto naman ang consignee kag tatlo ka iban pa nga mga tawo nga maga-claim kuntani sang parcel.
Nagapangatubang ang mga ini sang kaso nga paglapas sa Republic Act 9165 ukon Comprehensive Dangerous Drugs Act of 2002.
Wala pa sang pahayag ang mga suspects tuhoy sa insidente.
Nahibaluan nga indi ini ng una nga bes nga may ecstasy nga naintercept sa cargo terminal sang paluparan bangud sang nagligad nga tuig, P33 million nga balor sang ecstasy man ang nakumpiska.
