ILOILO CITY- Gin- deport na ang kapin 160 ka mga Chinese citizens nga ginaalegar iligal nga nagatrabaho sa Philippine offshore gaming operator (POGO) hub sa Bamban, Tarlac.
Ang gin- deport nga mga dumuluong ang nagatrabaho sa Zun Yuan Technology, Incorporated nga gin- raid sang otoridad duha ka bulan na ang nakaligad.
Sila ang ikatatlo nga batch sang POGO workers halin sa Bamban nga gin-deport matapos ginkabig sang otoridad bilang “undesirable aliens,” undocumented, kag overstaying.
Suno naman kay Gilbert Cruz, Presidential Anti-Organized Crime Commission executive director, apisar naaresto ang mga ini sa sulod sang POGO hub sa Bamban, kalabanan sa ila ang nagapang-scam.
Sa subong, may yara nalang sang 50 Chinese POGO workers halin sa Bamban ang wala pa na- deport.
Pahayag ni Cruz, nagboluntaryo ang China nga sabton ang gasto sa deportasyon sang ila mga pumuluyo nga involved sa pila ka scams.
May yara naman sang gina-monitor nga POGO hubs sa Metro Manila, Central Luzon, kag CALABARZON ang nasambit nga commission sa posibilidad nga may ginapatigayon man diri nga illegal kag scamming activities.
